Salmos 120

¹ Ein song til høgtidsferderne. Til Herren ropa eg i mi naud, og han svara meg.

² Herre, frels mi sjæl frå ljugarlippa, frå den falske tunga!

³ Kva skal han gjeva deg, og kva meir skal han gjeva deg, du falske tunga?

⁴ Kveste piler til ei kjempa og gløder av einebuska.

⁵ Usæl eg, som framand er imillom Mesek, og bur ved Kedars tjeld!

⁶ Lenge nok hev sjæli mi butt hjå deim som hatar fred.

⁷ Eg er berre fred, men når eg talar, er dei ferdige til strid.