Salmos 82

¹ מִזְמוֹר לְאָסָף אֱ‍ֽלֹהִים נִצָּב בַּעֲדַת ־אֵל בְּקֶרֶב אֱלֹהִים יִשְׁפֹּֽט ׃

² עַד ־מָתַי תִּשְׁפְּטוּ ־עָוֶל וּפְנֵי רְשָׁעִים תִּשְׂאוּ ־סֶֽלָה ׃

³ שִׁפְטוּ ־דַל וְיָתוֹם עָנִי וָרָשׁ הַצְדִּֽיקוּ ׃

⁴ פַּלְּטוּ ־דַל וְאֶבְיוֹן מִיַּד רְשָׁעִים הַצִּֽילוּ ׃

⁵ לֹא יָֽדְעוּ ׀וְלֹא יָבִינוּ בַּחֲשֵׁכָה יִתְהַלָּכוּ יִמּוֹטוּ כָּל ־מוֹסְדֵי אָֽרֶץ ׃

⁶ אֲ‍ֽנִי ־אָמַרְתִּי אֱלֹהִים אַתֶּם וּבְנֵי עֶלְיוֹן כֻּלְּכֶֽם ׃

⁷ אָכֵן כְּאָדָם תְּמוּתוּן וּכְאַחַד הַשָּׂרִים תִּפֹּֽלוּ ׃

⁸ קוּמָה אֱלֹהִים שָׁפְטָה הָאָרֶץ כִּֽי ־אַתָּה תִנְחַל בְּכָל ־הַגּוֹיִֽם ׃