Salmos 110

¹ לְדָוִד מִזְמוֹר נְאֻם יְהוָה ׀לַֽאדֹנִי שֵׁב לִֽימִינִי עַד ־אָשִׁית אֹיְבֶיךָ הֲדֹם לְרַגְלֶֽיךָ ׃

² מַטֵּֽה ־עֻזְּךָ יִשְׁלַח יְהוָה מִצִּיּוֹן רְדֵה בְּקֶרֶב אֹיְבֶֽיךָ ׃

³ עַמְּךָ נְדָבֹת בְּיוֹם חֵילֶךָ בְּֽהַדְרֵי ־קֹדֶשׁ מֵרֶחֶם מִשְׁחָר לְךָ טַל יַלְדֻתֶֽיךָ ׃

⁴ נִשְׁבַּע יְהוָה ׀וְלֹא יִנָּחֵם אַתָּֽה ־כֹהֵן לְעוֹלָם עַל ־דִּבְרָתִי מַלְכִּי ־צֶֽדֶק ׃

⁵ אֲדֹנָי עַל ־יְמִֽינְךָ מָחַץ בְּיוֹם ־אַפּוֹ מְלָכִֽים ׃

⁶ יָדִין בַּגּוֹיִם מָלֵא גְוִיּוֹת מָחַץ רֹאשׁ עַל ־אֶרֶץ רַבָּֽה ׃

⁷ מִנַּחַל בַּדֶּרֶךְ יִשְׁתֶּה עַל ־כֵּן יָרִים רֹֽאשׁ ׃