Salmos 121

¹ שִׁיר לַֽמַּעֲלוֹת אֶשָּׂא עֵינַי אֶל ־הֶהָרִים מֵאַיִן יָבֹא עֶזְרִֽי ׃

² עֶזְרִי מֵעִם יְהוָה עֹשֵׂה שָׁמַיִם וָאָֽרֶץ ׃

³ אַל ־יִתֵּן לַמּוֹט רַגְלֶךָ אַל ־יָנוּם שֹֽׁמְרֶֽךָ ׃

⁴ הִנֵּה לֹֽא ־יָנוּם וְלֹא יִישָׁן שׁוֹמֵר יִשְׂרָאֵֽל ׃

⁵ יְהוָה שֹׁמְרֶךָ יְהוָה צִלְּךָ עַל ־יַד יְמִינֶֽךָ ׃

⁶ יוֹמָם הַשֶּׁמֶשׁ לֹֽא ־יַכֶּכָּה וְיָרֵחַ בַּלָּֽיְלָה ׃

⁷ יְֽהוָה יִשְׁמָרְךָ מִכָּל ־רָע יִשְׁמֹר אֶת ־נַפְשֶֽׁךָ ׃

⁸ יְֽהוָה יִשְׁמָר ־צֵאתְךָ וּבוֹאֶךָ מֵֽעַתָּה וְעַד ־עוֹלָֽם ׃