Salmos 130

¹ שִׁיר הַֽמַּעֲלוֹת מִמַּעֲמַקִּים קְרָאתִיךָ יְהוָֽה ׃

² אֲדֹנָי שִׁמְעָה בְקוֹלִי תִּהְיֶינָה אָזְנֶיךָ קַשֻּׁבוֹת לְקוֹל תַּחֲנוּנָֽי ׃

³ אִם ־עֲוֺנוֹת תִּשְׁמָר ־יָהּ אֲדֹנָי מִי יַעֲמֹֽד ׃

⁴ כִּֽי ־עִמְּךָ הַסְּלִיחָה לְמַעַן תִּוָּרֵֽא ׃

⁵ קִוִּיתִי יְהוָה קִוְּתָה נַפְשִׁי וְֽלִדְבָרוֹ הוֹחָֽלְתִּי ׃

⁶ נַפְשִׁי לַֽאדֹנָי מִשֹּׁמְרִים לַבֹּקֶר שֹׁמְרִים לַבֹּֽקֶר ׃

⁷ יַחֵל יִשְׂרָאֵל אֶל ־יְהוָה כִּֽי ־עִם ־יְהוָה הַחֶסֶד וְהַרְבֵּה עִמּוֹ פְדֽוּת ׃

⁸ וְהוּא יִפְדֶּה אֶת ־יִשְׂרָאֵל מִכֹּל עֲוֺנֹתָֽיו ׃