Salmos 70

¹ לַמְנַצֵּחַ לְדָוִד לְהַזְכִּֽיר ׃

² אֱלֹהִים לְהַצִּילֵנִי יְהוָה לְעֶזְרָתִי חֽוּשָֽׁה ׃

³ יֵבֹשׁוּ וְיַחְפְּרוּ מְבַקְשֵׁי נַפְשִׁי יִסֹּגוּ אָחוֹר וְיִכָּלְמוּ חֲפֵצֵי רָעָתִֽי ׃

⁴ יָשׁוּבוּ עַל ־עֵקֶב בָּשְׁתָּם הָאֹמְרִים הֶאָח ׀הֶאָֽח ׃

⁵ יָשִׂישׂוּ וְיִשְׂמְחוּ ׀בְּךָ כָּֽל ־מְבַקְשֶׁיךָ וְיֹאמְרוּ תָמִיד יִגְדַּל אֱלֹהִים אֹהֲבֵי יְשׁוּעָתֶֽךָ ׃וַאֲנִי ׀עָנִי וְאֶבְיוֹן אֱלֹהִים חֽוּשָׁה ־לִּי עֶזְרִי וּמְפַלְטִי אַתָּה יְהוָה אַל ־תְּאַחַֽר ׃