Jó 23

¹ א ויען איוב ויאמר br

² ב גם-היום מרי שחי ידי כבדה על-אנחתי br

³ ג מי-יתן ידעתי ואמצאהו אבוא עד-תכונתו br

⁴ ד אערכה לפניו משפט ופי אמלא תוכחות br

⁵ ה אדעה מלים יענני ואבינה מה-יאמר לי br

⁶ ו הברב-כח יריב עמדי לא אך-הוא ישם בי br

⁷ ז שם–ישר נוכח עמו ואפלטה לנצח משפטי br

⁸ ח הן קדם אהלך ואיננו ואחור ולא-אבין לו br

⁹ ט שמאול בעשתו ולא-אחז יעטף ימין ולא אראה br

¹⁰ י כי-ידע דרך עמדי בחנני כזהב אצא br

¹¹ יא באשרו אחזה רגלי דרכו שמרתי ולא-אט br

¹² יב מצות שפתיו ולא אמיש מחקי צפנתי אמרי-פיו br

¹³ יג והוא באחד ומי ישיבנו ונפשו אותה ויעש br

¹⁴ יד כי ישלים חקי וכהנה רבות עמו br

¹⁵ טו על-כן מפניו אבהל אתבונן ואפחד ממנו br

¹⁶ טז ואל הרך לבי ושדי הבהילני br

¹⁷ יז כי-לא נצמתי מפני-חשך ומפני כסה-אפל