Connect with us

Bíblia HEBM

Salmos 67

1 למנצח בנגינת מזמור שיר אלהים יחננו ויברכנו יאר פניו אתנו סלה׃

2 לדעת בארץ דרכך בכל גוים ישועתך׃

3 יודוך עמים אלהים יודוך עמים כלם׃

4 ישמחו וירננו לאמים כי תשפט עמים מישור ולאמים בארץ תנחם סלה׃

5 יודוך עמים אלהים יודוך עמים כלם׃

6 ארץ נתנה יבולה יברכנו אלהים אלהינו׃

7 יברכנו אלהים וייראו אתו כל אפסי ארץ׃

Continuar Lendo

You must be logged in to post a comment Login

Leave a Reply