Salmos 5

¹ JUNGOG, O Jeova, y sinanganjo, ecungog y jinasoco.

² Ecungog y vos y inagangjo, Ray jo, yan Yuusso: sa jago jutaetaetaye.

³ O Jeova, y egaan unjungog y vosso; y egaan juguaguato y tinaetaejo guiya jago, ya jubébela.

⁴ Sa ti jago na Yuus ni y gumaeya y tinaelaye: y taelaye ti usaga guiya jago.

⁵ Ti manasaga y mangaduco gui menan matamo: ya ti yamo todo y fumatitinas y taelaye.

⁶ Jago yumulang y manguecuentos mandague: ya y taotao cajâgâ yan y dinague, si Jeova jaguefchatlie.

⁷ Ya guajoja, yan y megagae y minaasemo, bae jalom gui guimamo: ya juadora anae juatan y santo templomo ni y ninamaañaomo.

⁸ O Jeova, esgaejonyo gui tininasmo, pot causa ya enimigujo; natunas gui menajo y chalanmo.

⁹ Sa taya finitme gui pachotñija; ya sanjalomñija senmanaelaye: naftan mababa y agagañija; yan y jilañija finande:

¹⁰ Condena sija, O Yuus, polo y ufamodong pot y pinagatñija: gui minegae y isaoñija nasuja sija sa managuaguat contra jago.

¹¹ Nafanmagof todos y umangngocojao, polo para taejinecog ya ufanagang pot y minagofñija sa undefiende sija, polo ya ufanmagof ni jago, y gumaeya y naanmo.

¹² Sa jago bumendise y manunas; O Jeova, parejoja yan un patang unpolo gui oriyaña y finaborese.