Oséias 14

¹ א תאשם שמרון כי מרתה באלהיה בחרב יפלו–עלליהם ירטשו והריותיו יבקעו {פ}

² ב שובה ישראל עד יהוה אלהיך כי כשלת בעונך

³ ג קחו עמכם דברים ושובו אל יהוה אמרו אליו כל תשא עון וקח טוב ונשלמה פרים שפתינו

⁴ ד אשור לא יושיענו על סוס לא נרכב ולא נאמר עוד אלהינו למעשה ידינו–אשר בך ירחם יתום

⁵ ה ארפא משובתם–אהבם נדבה כי שב אפי ממנו

⁶ ו אהיה כטל לישראל יפרח כשושנה ויך שרשיו כלבנון

⁷ ז ילכו ינקותיו ויהי כזית הודו וריח לו כלבנון

⁸ ח ישבו ישבי בצלו יחיו דגן ויפרחו כגפן זכרו כיין לבנון

⁹ ט אפרים מה לי עוד לעצבים אני עניתי ואשורנו אני כברוש רענן–ממני פריך נמצא [ (Hosea 14:10) י מי חכם ויבן אלה נבון וידעם כי ישרים דרכי יהוה וצדקים ילכו בם ופשעים יכשלו בם {ש} ]